SIGMA CAPIZ – Lipong ang isa ka panday matapos nga makuryente samtang naga-obra sang gutter sa isa ka puluy-an sa Barangay Poblacion Sur, Sigma, Capiz .
Ginkilala ang biktima kay Jimmy Labto Oloroso, 51-anyos kag residente sang Barangay Tumalalud, Mambusao Capiz.
Sa interview sang Bombo Radyo kay PSMS. Robin Francisco, imbestigador sang Sigma Municipal Police Station, ginpahayag sini nga sa pagtindog sang biktima wala sini natalupangdan ang secondary wire sang Capelco rason sang iya pagkakuryente.
Madasig naman ini nga ginrespondihan sang katapo sang Municipal Disaster Risk Reduction and Management Office (MDRRMO) kag Sigma Response Team (SRT) agud hatagan sang pauna nga pagbulong antes ginpadangat sa ospital.
Sa karun, nagapabilin sa Mambusao District Hospital ang nasambit nga biktima para sa nagakaigo nga pagbulong.
