Hugot nga ginakondenar ni Speaker Ferdinand Martin Romualdez ang panibag-o nga paglapas sa layi kag agresibo nga aksyon sang Chinese Coast Guard (CCG) sa West Philippine Sea kun sa diin binungguan sini ang duha ka barko sang Philippine Coast Guard.
Pahayag ni Romualdez, ang nasambit nga tikang sang CCG ang direkta nga paglapas sa soberenya sang Pilipinas kag sa international law partikular sa United Nations Convention on the Law of the Sea (UNCLOS) kun sa diin pareho nga nagpirma ang Pilipinas kag China.
Suno kay Romualdez, padayon nga ginaduso sang Pilipinas ang kalinungan kag kapag-on sa rehiyon apang ang mga naulihi nga insidente nga hinuman sang CCG ang makahalangawa kag nagapalala sang tensyon sa West Philippine Sea.
Ginhatagan pagtamod ni Romualdez nga dapat untaton na sang China ang mga iligal nga aksyon nga nagatuga sang peligro sa kabuhi sang mga nagalayag kag subong man nagalapas sa pangkalinbutanon nga layi.
Kaangut sini, nagpanawagan si Romualdez sa mga kaalyado nga pungsod nga siguruhon ang pagtutok sa nagakaigo nga layi sa West Philippine Sea kun sa diin dapat mapatuman ang hilway nga paglayag.
