Nagapanawagan ang Presidential Anti-Organized Crime Commission (PAOCC) sa Philippine Amusement and Gaming Corporation (PAGCOR) nga manduan na nga magbalik ang mga foreign POGO worker sa ila pungsod.
Ini ang ginpahayag ni PAOCC spokesperson Winston John Casio, kasunod na man sang direktiba ni Presidente Bongbong Marcos (PBBM) nga i-ban ang mga POGO sa pungsod.
Suno sa datos sang PAOCC may yara pa sang 38 ka nahabilin nga legal nga nag -operate sang POGO sa pungsod.
Matandaan nga ginhatag ang mga foreign POGO workers nga tubtob Oktubre 15 agud i-downgrade ang ila 9G visa sa tourist visa kag ginhatagan nga may yara na lang tubtob katapusan sang tuig para mapabilin sa Pilipinas.
Sa imbestigasyon nga nakuha sang National Bureau of Investigation (NBI) nagabug-os sang magagmay nga grupo ang mga POGO sa ila nga residential area agud indi sila matuntun sang mga awtoridad.
Nabalaka naman si Casio nga kun indi maghalin ang mga POGO workers sa pungsod makapangita sang tikang ang mga ini para mapabilin pa sa pungsod.
Nagalaum naman si Casio nga mapapauli na sa madali nga panahon ang mga nag downgrade sang ilang visa nga suno sa Bureau of Immigration may yara sang12,000 foreign workers applicant ang nag downgrade sa working visa.
