ROXAS CITY –Ginreleased na sa kostodiya sang Dumarao Municipal Police Station ang kontrobersiyal nga pari sang Our Lady of Snows, sa banwa sang Dumarao, Capiz nga nagpalupok sang armas nga expired na ang lisensiya sa mga kabataan nga nagparked sang ila nga motorsiklo sa atubang sang kumbento.
Suno kay Chief Inspector Juvy Cordero, chief of police sang Dumarao PNP, ginreleased nila si Father Federico Lim Jr., kasunod sang pagpasaka sang panumbungon nga paglapas sa RA 10591 ukon illegal possession of unlicensed firearms sa provincial prosecutor’s office bangud nahulog sa regular filing ang kaso kag magapaidalum sa preliminary investigation ang nasambit nga pari, bangud wala ini naaktuhan nga nagpalupok sang caspian caliber 45 pistol nga expired na ang lisensiya.
Sa baylo boluntaryo ini nga nagsungka mga pulis para sa imbestigasyon.
Samtang matapos nga ma-released sa kostodiya sang pulisya sa banwa sang Dumarao, Capiz si Father Lim wala na sila sang ihibalo kun diin na ang nasambit nga pari.
