Indi pa sigurado kon ang Denver Nuggets forward nga si Aaron Gordon makahampang sa Game 7 batok sa Oklahoma City Thunder bangud sa hamstring injury nga iya naangkon sang ulihi nga bahin sang Game 6.
Ginpaguwa sang Nuggets ang injury diagnosis ni Gordon kahapon nga adlaw apang wala sini ginkumpirmar kun magahampang ini sa Game 7 sang Western Conference semi-finals subong nga adlaw, Domingo (Mayo 18) ukon kon bala magapahuway ini sang lubos.
Suno kay Denver interim head coach David Adelman, indi pa maathag ang matuod nga status ni Gordon apang padayon ini nga nagalaum nga mahatagan siya sang clearance nga makaupod sa team sa do-or-die game.
Subong nga season, ang beterano nga forward napilasan sang pila ka beses, nga nagahampang lamang sang 51 sa 82 ka regular-season nga mga hampang.
Sa playoffs history sang Denver upod kay Gordon, ang beterano nga forward nagahupot sang career playoff averages nga 16.8 puntos kag 7.3 rebounds kada hampang. Nakahimo man sia sang mga game-winning shot sang pila ka beses sa playoff games s ng Nuggets.
Ang Thunder kag ang 2023 NBA champion natalana nga magkitaay sa home court sang una, sa diin ang magdaug sa duha ka hampang magaabante sa pag-atubang sa Minnesota Timberwolves sa Western Conference finals.
Sa Sidlangan, maga-atubangay ang New York Knicks kag Indiana Pacers.
