Ginpalig-on sang Korte Suprema sa South Korea ang kinamatarong sang mga same sex couples nga makabaton ang mga ini sang spousal health benefits, matapos nga ginpaboran sang korte ang isa ka gay couple nga gindalukan sang nasambit nga benepisyo sang state health insurer.
Mahibaluan nga nagpasaka sang reklamo sadtong tuig 2021 batuk sa National Health Insurer Service ang same sex couple nga sanday So Sung-wook kag Kim Yong-min, matapos nga ginkansela ang ila sini nga spousal benefits.
Suno sa pila man ka mga grupo, isa ini ka diskriminasyon ang ginhimo sang amo nga health insurer kag ginapanindugan sang ini nga isa ini nga paglapas sa dignidad kag kinamatarong sang isa ka indibidwal.
Sandig sa Amnesty International, ang nangin desisyon sang Korte Suprema ang isa ka maragtason nga kadalag-an para sa kinamatarong sang mga pumuluyo sa amo nga pungsod.
