Ginpangunahan ni Presidente Ferdinand Marcos Jr. ang pagpanagtag sang bulig pinansyal kag titulo sang duta sa pila ka mga mangunguma sa Pampanga nga kabahin sang Handog ng Pangulo Program.
Ini parte sang pagbulig sang gobyerno sa mga mamumugon sa bukid sa pamaagi sang paghatag sang bulig pinansyal.
Nagkalain-lain nga ahensya ang kabulig sa pagpatigayon sang nasambit nga akitibidad kaangay sang Department of Health, Department of Environment and Natural Resources, mga gobyerno lokal kag pila ka pribado nga sektor.
Nagpanagtag ang Department of Social Welfare and Development (DSWD) sang tag-P10,000 kada isa sang 2,970 nga benepisyaryo nga ginrekomenda sang gobyerno probinsyal sang Pampanga. Magluwas sini, naghatag man sang 2,970 ka mga Family Food Packs bilang dugang nga bulig.
Samtang, yara sa 520 ka land title ukon titulo sang duta ang ginpanagtag sa idalum sang Handog Titulo Program sang Department of Environment and Natural Resources (DENR), nga magasakop sa Land Management Bureau kag anum(6) nga rehiyon sa pungsod.
Ang mga titulo sang duta ang personal nga ginpanghatag sang Presidente sa mga benepisyaryo nga mga mangunguma.
Tinutuyo sang sini nga aktibidad nga padasigon ang pagpanghatag sang kadutaan sa mga wala sang kaugalingon nga duta kag ipasiguro ang ila diretso sa pagpanag-iya.
