PBBM, naglunsyar sang Presidential Scholars Program; 5 ka mga estudyante kada barangay makabaton sang P100,000

Gin-anunsyo man ni President Ferdinand Marcos Jr., ang paglunsar sang Presidential Scholars Program, kon sa diin lima ka mga estudyante gikan sa tagsa ka barangay ang makabaton sang ₱100,000 nga scholarship kada isa agud makabulig sa ila pagtuon sa kolehiyo.

Suno sa Presidente, katuyuan sang amo nga programa nga mahatagan sang kahigayunan ang mas madamo nga mga pamatan-on nga makatapos kag magahalin sa Office of the President ang pondo para sa scholarship.

Kadungan sini, ginadudo man ni Marcos nga padayon nga pabaskugon sang gobyerno ang sektor sang edukasyon paagi sa pagpasanyog sang Senior High School curriculum kag iban pa nga mga programa nga makapataas sang kalidad sang edukasyon sa pungsod.