No comment ang Palasyo sang Malakanyang ilabi na si President Ferdinand Marcos Jr., kaangut sa nangin paghinun-anon nanday US President Donald Trump kag Ukraine President Volodomyr Zelensky nga ginkakibot sang bug-os nga kalibutan nga naglab-ot sa mainit na pag-istoryahanay.
Suno kay Palace Press Officer USec. Claire Castro wala sang reaksiyon si Presidente Marcos angut diri.
Ginpahayag ni Castro, ginatugyan na sang Malakanyang kay Department of Foreign Affairs (DFA) Secretary Enrique Manalo ang paghatag sang pahayag angut sa nangin paghinun-anon nanday Trump kag Zelensky.
Kun matandaan indi nangin maayos ang resulta sang pag-istoryahanay nanday Trump kag Zelensky.
Ginhambalan ni Trump si Zelensky nga makig negosasyon na sa Russia agud tapuson na ang giyera.
Nagpamalibad man nga magkomento ang Malakanyang kaangut sa posibilidad nga maglain ang posisyon sang Amerika sa isyu sa West Philippine Sea kasunod sang paglain sa posisyon sini sa Russia-Ukraine war.
