ROXAS CITY – Nagpaguwa sang sea travel advisory number 1 ang Philippine Coast Guard (PCG) – Capiz nga nagasuspendi sa pagbiyahe sang mga barko padulong sa mga lugar nga ginpaidalum sa public storm warning signals kaangay sang Batangas kag Metro Manila.
Sa pakig-angut sang Bombo Radyo kay CG SCPO Arnel Nisola, Deputy sang PCG-Capiz, ginsiling sini nga kadungan sang ginpaguwa sang PAGASA nga tropical cyclone bulletin kag ginabatak na sa mga signal warning ang pila ka mga lugar sa Luzon, gilayon nga ginsuspende sang ahensya ang agud malikawan ang aksidente.
Ginapanugyanan man sini ang mga magagmay nga barko nga indi na magpalayo sa pagpangisda bangud may posibilidad nga magabaskog pa ang Super Typhon Karding.
Wala naman sang may nastranded nga indibidwal bangud sa travel advisory.
PCG Capiz, ginsuspendi ang biyahe sang mga barko padulong sa mga lugar nga ginpaidalum sa storm warning signals
-- ADVERTISEMENT --
