-- ADVERTISEMENT --
ROXAS CITY – Nagpatigayon sang K9 inspection ang PDEA Capiz sa Roxas City Integrated Transport Terminal sa Barangay Lawaan, Roxas City, Libas Fishing Port sa Barangay Libas, Roxas City Airport sa Barangay Baybay, kag Culasi Roro Port sa Barangay Culasi.
Kaupod sa ginpatigayon nga inspeksyon ang katapo sang PNP AVSE Group, Civil Aviation Authority of the Philippines, kag Philippine Port Authority.
Suno sa PDEA nga ginpaidalum sa random paneling kag K9 sweeping inspection sang Narcotics Detection Dog (NDD) ang mga salakyan sa terminal lakip ang mga bagahe kag mga pasahero.
Katuyuan sini nga malikawan ang posibilidad nga pag-transport sang iligal nga droga pasulod kag pagguwa sa probinsya sang Capiz kag mga kaiping nga lugar.
