ROXAS CITY – Ginklaro ni Mrs. Judy Grace Pelaez, pinuno sang PDRRMO ang rason sa pag-alokar sang P10M nga budget para sa ayuda sang apektado sang Bagyong Agaton sa probinsya sang Capiz.
Sa interview sang Bombo Radyo, ginpahayag sini, nga sang gipapasar sang council ang resolusyon wala naka-specify ukon nakabutang sa resolusyon ang amount sang budget nga paga-gamiton bangud ang nakasaad gid lamang sa resolusyon amo ang pag-paidalum sa probinsya sang Capiz sa state of calamity.
Bangud suno diri, pagkatapos pa sang deklarasyon dapat nga mahinala-an sang mga ahensya nga involve ang pag-alokar sang budget para sa ayuda.
Apang sa pagpasar sang resolusyon, amo man na desisyunan ang P10M nga budget.
Kun sa din, ginpahayag sang PSWDO Head ang normal nga kantidad sang food packs sa P300 sa kada pamilya kag pagagamiton ang P10M nga calamity fund agud mahatagan ang kapin 35,000 nga mga pamilya nga apektado sa kalamidad.
Gin-athag man sini, nga ang tinutuyo sang P300 nga foods pack amo ang mahatagan sang nagapanguna nga kinahanglanon kasubong sang bugas, canned goods, noodles, kape kag iban pa, ang mga apektado nga igahatag kuntani samtang yara pa ini sa evacuation centers.
Samtang, ginpahayag man ni Pelaez, nga indi mahimo nga uboson ang tanan nga pondo sang quick response fund bangud yara pa lang subong sa 1st quarter sang tuig 2022 kag nakadepende ini sa need kag circumstances sang gobyerno kasubong sang natabo sa pagpanalasa sang bagyong Yolanda sang Nobyembre 2013.
