Mas nagbaskog pa ang Bagyong Pepito, samtang nagahilapit na ini nga mangin typhoon category.
Suno sa PAGASA, nasiplatan ang sentro sang bagyo sa 795 kilometros nasidlangan sang Guiuan, Eastern Samar.
Ang hangin ang may kabaskugon nga 110kph kag pagmadlos nga nagalab-ot sa 135kph.
Bangud sini, nadugangan pa ang mga lugar nga yara sa tropical cyclone wind signal number 1 kag ini ang ginakalakipan sang Catanduanes; Vinzons, Talisay, Daet, Mercedes, Basud sa Camarines Norte; Caramoan, Garchitorena, Presentacion, San Jose, Lagonoy, Tinambac, Goa, Siruma, Tigaon, Sagñay, Calabanga, Naga City, Magarao, Bombon, Pili, Ocampo, Iriga City, Buhi sa Camarines Sur; , Rapu-Rapu, City of Tabaco, Malilipot, Santo Domingo, Bacacay, Legazpi City, Malinao, Manito, Tiwi sa Albay; Juban, City of Sorsogon, Barcelona, Bulusan, Magallanes, Gubat, Santa Magdalena, Casiguran, Bulan, Irosin, Matnog, Prieto Diaz, Castilla sa Sorsogon.
Samtang signal number 1 ang mga lugar sa Visayas nga ginakabug-san sang Northern Samar; San Policarpo, Arteche, Jipapad, Maslog, Oras, Dolores, Can-Avid sa Eastern Samar kag Matuguinao, San Jose de Buan sa Northern Samar.
Sa sulod sang 12 oras, ginalauman nga mangin typhoon category ang bagyo kag ginapahanumdum sang PAGASA nga mangin isa ini ka super typhoon.
Samtang, posible nga magalandfall ini sa gab-isa ng Sabado tubtob sa aga sang Domingo sa Central Luzon ukon Southern Luzon.
