Nag-file ang pila ka mga abogado sang petisyon sa Korte Suprema batok kay Senate President Vicente ‘Tito’ Sotto III.
Ginreklamo nanday Atty. Ferdinand Topacio, Atty. Manuelito Luna, Atty. Harold Respicio kag iban pa bangud sang iya mga komento may kaangtanan sa nauna nga resolusyon sang Korte Suprema angut sa ‘impeachment’ batok kay Vice Pres. Sara Duterte.
Partikular nga nag-file sila sang ‘petition for indirect contempt’ batok sa mamalidha sa pagpati nga wala niya ginarespeto ang desisyon sang mahistrado.
Ginpanindugan ni Atty. Ferdinand Topacio nga ang mga pahayag sang senador nakaapekto sa imahe sang Korte Suprema.
Bangud sini, ginpresentar sang abogado ang pila ka mga komento ni Senador Sotto nga hugot nila nga ginpamatukan ukon wala gin-ugyunan.
Dugang pa sini, dapat sala kag indi mabaton ang ini nga sahi sang pahayag ilabi pa nga siya ang lider sang mataas nga kamara sang kongreso.
Kun mapamatud-an nga guilty sang indirect contempt si Senate President Tito Sotto III, mahimo ini nga multahan sang 309,000 pesos.
Subong man ang anum ka bulan nga pagkapreso mahimo ipatuman sa nasambit nga mamalidha.
