Ginapreparahan na sang Philippine Navy ang conversion sang Grande Island sa Subic Bay, Zambales kag Chiquita Island sa Bataan bilang military reservations.
Suno kay PN spokesperson for the West Philippine Sea Rear Admiral Roy Vincent Trinidad, ginaduso subong sang Philippine Navy ang preparasyon para sa bug-os nga pag-okupar ukon pagpreparar sang kadutaan nga igahatag pinaagi sa isa ka presidential proclamation nga nagadeklarar sang 2 ka isla bilang military reservations.
Gin-athag sang opisyal nga ang 2 ka isla ang kinahanglan nga ideklarar bilang military reservations bangud malapit ini sa Subic Bay sa diin ang natural nga layout sini ang nagahatag sang safe harbor para sa mga barko sang PH Navy nga naga-agi sa amo nga kadagatan.
May yara man suno sang runway sa Subig Bay area nga sarang magamit sang mga eroplano sang Pilipinas.
Ginklaro sang opisyal sang PH Navy nga wala sang kahilabtanan ang kaangay nga lihok sa pagdakop sa 6 ka mga foreigners kag 2 ka mga Pinoy nga nadiskubrehan nga nagapatigayon sang iligal nga aktibidad sa Grande Island sadtong Marso 13.
Samtang makita naman ang pag-convert sang 2 ka isla bilang military reservations nga makabulig sa pagsiguro sang operasyon sa Subic Special Economic kag Freeport Zone lakip na ang malapit sa Riviera Wharf kag Subic Bay International Airport.
Ginpahayag sang Department of National Defense nga ang kasubong nga lihok ang nagasanto sa padayon nga pagpauswag sang naval operating base sa Subic nga nagatuyo nga labi pa nga mapabaskog kag mapabilin ang estratehiko nga presensya sang Pilipinas sa western seaboard.
