Nagpakigbahin ang Philippine Red Cross-Capiz Chapter sang mga accomplishment sang ila talatapan sang tuig 2025.
Sa interview sang Bombo Radyo kay Mr. Raymundo Martinez, Administrator sang Philippine Red Cross-Capiz Chapter, iya ginpahayag nga ang amo nga mga accomplishment ang natigayon sa pagbinuligay sang tanan nga katapo sang ila nga opisina.
Suno kay Martinez, sa bug-os nga tuig 2025, nakatipon sila sang 15,157 units sang dugo nga nangin bastante sa tanan nga nagakinahanglan sa bulig man sang mga partner agencies kaangay na lamang sang tuigan nga programa sang Bombo Radyo Philippines nga Dugong Bombo.
May yara man sang 11,209 nga natagaan sang dugo sa 12, 952 nga nagrequest nga nakahatag sang mga nagakaigo nga papeles.
Pahayag pa niya, isa ka pagpanghangkat ang pagdihon sang pondo para sa ila mga progama apang nagapadayon sa gihapon sa bulig man sang publiko.
Nagapasalamat man ang natungdan sa tanan nga mga volunteers nga nagabulig agud nga magserbisyo sa mga nagakinahanglan.
