ROXAS CITY l May pila ka mga panuhanumdom sa publiko ang Philippine Red Cross sa nagataas nga Heat Index sa Probinsya sang Capiz.
Sa pagpakig-angut sang Bombo Radyo kay Mr. Kenny Bajande, Focal person sang Emergency Response Unit, ginpahayag sini nga nagahilapit na ang summer season gani amat-amat naman nga nagataas ang heat index sa probinsya sang Capiz.
Suno sa iya, ipabilin nga mangin hydrated kag perminte nga mag-inom sang tubig, likawan ang pag-inom sang mga matam-is nga ilimnon, magtiner sa well-ventilated nga lugar, magsuksok sang mga light nga duag sang bayo agud malikawan nga maapektuhan ang ikaayong lawas sa posible halit sang init.
Pahayag pa ni Bajande nga may mga sakit nga dala ang tuman nga pag-expose sa init , ini amo ang heat cramps, heat exhausted kag heat stroke.
Samtang, ginpahanumduman man ni Bajande ang mga kabataan, senior citizens, persons with disability, construction workers kag ang mga tawo nga expose sa init nga prone sa kasubong nga sakit.
