Pila ka biyahe sa mga pantalan sa pila ka bahin sang pungsod ang ginkanselar bangud sa epekto sang bagyo nga Crising.
Magluwas sa bagyo, naga-apekto man sa panahon ang southwest monsoon nga ginapabaskog sang bagyo.
Humalin kahapon tubtub subong nga adlaw, matig-a sa gihapon ang kondisyon sang panahon kag ang mga pantalan nga gina-operate sang Philippine Ports Authority ang naga-eksperyensya sa gihapon sang mabaskog nga balud.
Kalakip sa mga Port Management Offices nga may suspendido nga byahe ukon operasyon amo ang mga masunod;
PMO NCR-South
PMO Bicol
PMO Masbate
PMO Negros Occidental – Bacolod, Banago, kag Bredco
PMO Negros Oriental/Siquijor
PMO Western Leyte/Biliran
PMO Eastern Leyte/Samar
PMO Palawan
PMO Misamis Oriental/Cagayan de Oro
PMO Panay/Guimaras
PMO Bohol
PMO Surigao
PMO Zamboanga del Norte
PMO Zamboanga
Ang PPA tubtob subong nagpasalig nga nagapabilin sila nga alerto sa tanan nga rehiyon nga apektado sang grabe nga kondisyon sang panahon.
Tinutuyo sini nga tikang nga masiguro ang kaluwasan sang mga pasahero nga nagagamit sang mga pantalan kag mahatagan sila sang bulig ukon suporta.
