Kanselado na ang pila ka mga flights sa mga siyudad sa southern China kadungan sang pagbaskog pa sang Typhoon Yagi bilang Super Typhoon samtang padulong sa holiday island province sang Hainan.
Gin-agihan sang bagyo ang nabagatnan nga parte sang South China Sea kag padulong sa Hainan.
Nagadala naman sang mabaskog nga pag-ulan kag hangin ang super typhoon sa baybayon sang China.
Ang episentro sini kagaina pasado alas-4 sang hapon ang yara sa 610 km nabagatnan-sidlangan sang Zhangjiang city sa Guangdong province.
Kaangut sini, gina-upgrade na sang Hainan ang emergency response sini sa pinakamataas nga lebel kagaina 11:30 am subong nga Huwebes.
Ginalauaman nga magalandfall ang bagyo hapon sang Biyernes sa Hainan ukon sa kalapit sini nga coastal province sang Guangdong.
