ROXAS CITY – Ginpang-utod na sang personnel sang Capiz Electric Cooperative (Capelco) ang illegal connection ukon jumper nga ginaangut sang magkatuhay nga departamento sa munisipyo sang Dumarao sa streetlights sa lugar.
Ginpahayag ni Engr. Edgar Diaz, general manager sang Capelco nga matapos nabuyagyag ang iligal nga pagkonekta sa linya sang streetlights sang pila ka mga talatapan sa munisipyo, gilayon nga ginpadulungan sang mga field auditor ang area kag nagpakig-angut sa municipal electrician.
Nagatan-aw ang electrician sang munisipyo sang gin-utod ang iligal nga koneksyon.
Nahibaluan nga wala sang kapierdihan diri ang Capelco bangud nagaagi ang illegal connection sa linya sang streetlights sa diin ang local government unit ang nagabayad.
Sa karon gina-imbestigahan na sang municipal electrician ang insedente agud mahibaluan kun sin-o ang iligal nga naga-tap sang kuryente sa linya sang streetlights sa lugar.
