ROXAS CITY – Nagtaas ang presyohanay sang pila ka mga sangkap sa paghimo sang kalan-unon sa palaabuton nga fiesta minatay.
Sa pagtsekyar sang Bombo Patrol team sa nagkalain-lain nga balaligyaan sa sulod kag guwa sang Teodoro Arcenas Trade Center (TATC), talalupangdon ang alalangay nga pagtaas sa presyo sang mga balaklon.
Yari ang presyo sa mga nagapanguna nga sangkap sa paghimo sang kalan-unon:
Pilit – P150 (per gantang)
Pilit (ginbukbok) – P60-P70/kilo
Kalamay (pula) – P60/kilo
Brown sugar – P45/kilo
Harina – P32/kilo
Mantika – P75/kilo
Mantika per lipid – P27
Lunga (sesame seeds) – P10/putos
Gata – P25-P35 bilog
Pancit bihon – P58/kilo
Nahibaluan nga may yara sang P2 tubtob P5 nga pagtaas sa pila ka mga baligya nga sangkap.
Sa karon, wala pa mahibaluan kun magataas pa ang presyo sang nasambit nga mga balaklon antes ang adlaw sang tig-kalalag.
