ROXAS CITY – Batyag na sang kadam-an nga mga tricycle drivers kag motorista ang epekto sang asud-asod nga pagtaas sang presyo sang produktong petrolyo sa pungsod.
Bangud sini, nagahingalit na ang mga ini nga magpatughong subong nga adlaw sang Lunes.
Sa pagpadulong sang Bombo patrol team sa Petron gasoline station, ginpahayag ni Kim Isederio, tricycle driver sa syudad, nga gina-budget na sini kada adlaw ang iya nga inugpatughong agud may bilin pa ang iya nga makita sa iya pagpamasahero.
Dugang pa sini nga tuman ka hina sang pamasada sa karon nga tinion, apang indi man ini pabor nga pasakaan ang pletehan.
Mensahe sang mga motorista sa gobyerno nga diparahon ang ila sitwasyon.
Samtang, suno sa tagdumalahan sang nasambit nga gasolinahan, nagasunod gid lamang sila sa mandu sang ila central office.
