Pila ka pamatan-on sa Brgy. Loctugan, naga-offer sang affordable nga serbisyo sa paglimpyo kag pinta sa patyo

Nagahatag sang affordable nga serbisyo ang pila ka mga pamatan-on sa Loctugan Public Cemetery, sa Barangay Loctugan, Roxas City.

Sa pagpakig-angut sang Bombo Radyo kay alyas “Tam-Tam”, isa sa mga nasambit nga pamatan-on, ginpahayag sini nga nagahatag ini sila sang affordable nga presyuhanay agud maglimpyo kag magpinta sa lugar.

Dugang pa sini, P250 ang ginahatag nila nga presyo kun limpyo kag pinta lang samtang, P500 naman kun sila ang ma-provide sang pinta nga pagagamiton nila.

Ang mga ginakita sang mga ini, ginabakal nila sang mga kinahanglanon nila kag pagkaon.

Sa karon, madamo pa ang nagahinyo sa ila nga magpalimpyo kag magpinta sa subong nga mga tinakna