ROXAS CITY – Ginbaha ang pila ka lugar sa banwa sang Sigma, bangud sa wala untat nga pag-ulan kahapon nga adlaw tubtob kaina sang kaaganhon.
Sandig sa datos nagikan sa Municipal Disaster Risk Reduction and Management Office (MDRRMO) Sigma, ala-una subong nga hapon, ginabaha ang Brgy. Bangonbangon kag indi passable sa tanan nga sahi sang behikulo.
Baha man sa porsyon sang Brgy. Cogon, Dayhagon, Acbo, Pinamalatican kag Balucuan.
Apang wala pa sila sang nabalhag nga evacuees.
Sa pihak nga bahin, sa banwa sang Cuartero, sandig sa alas-3 sa hapon nga monitoring sang Municipal Disaster Risk Reduction and Management Office (MDRRMO)-Cuartero, indi na maagyan sang tanan nga sahi sang salakyan ang dalan sang Brgy. Angub padulong sa banwa sang Dumalag, bangud sa pagbulhog sang tubog baha nagikan sa mga kaiping nga banwa.
Nagaamat-amat naman hubas ang tubig baha sa ila lugar nga yara nalang sa 8.79meter apang yara ini sa gihapon sa critical level.
Kadam-an man sa mga manubo nga barangay ang ginabaha sa karon, apang wala pa sang nareport nga evacuees sa ila banwa.
