ROXAS CITY – Nagpanindugan ang pila ka mga residente sa Sitio Puntod, Barangay Dinginan, Roxas City nga magpabilin sa ila lugar apisar nga kinahanglan sang mga ini nga magbiya bangud sa proyekto sang lokal nga gobyerno sang syudad nga pag-imprubar sang Slaughterhouse.
Sa interview sang Bombo Radyo kay Eddie Fuentes, isa sa 14 nga mga puloy-an nga nagpabilin sa lugar, suno diri nga samtang indi plastado ang pagahalinan sa ila sang City government, indi ang mga ini magbiya sa ila lugar.
Nahibaluan nga patigayunon subong nga hapon ang pagsinapol kaupod ang lokal nga gobyerno sang syudad kag ang mga apektado nga residente.
Matandaan nga may yara sang 109 ka mga apektado nga puloy-an sa nasambit nga proyekto, kun sa diin kadam-an sa mga ini ang nagsugot sa offer sang lokal nga gobyerno sang syudad nga magbalhin sa Housing sa Tanza.
