Pilar Mayor Arnold Perez, nagdepensa sa indi pagtambong sa mga sinapol ni Cong. Billones sa mga alkalde sa 1st district

PILAR, CAPIZ – Ginklaro sang alkalde sang Pilar nga wala ini sang may nabaton nga imbitasyon nga siya ang magpakigsapol kay Capiz 1^st District Representative Congressman Emmanuel “Tawi” Billones Sr.

Ini ang ginpahayag ni Pilar Mayor Arnold Perez sang ma-interview sang Bombo Radyo Roxas.

Suno kay Perez nga kun may yara sang imbitasyon nagikan kay Billones sin-o ini para indi magtambong.

Nakahibalo man si Perez nga sa tion nga mag-abot sa Capiz si Billones, ginapatawag sini ang mga alkalde gikan sa first district.

Ginlikawan naman ni Perez nga maghatag sang komento natuhoy sa isa ka tawo nga masami nga nagarepresentar sang banwa sang Pilar sa tion nga may yara sang ginapatawag nga sinapol si Billones.

Samtang nagapasalamat naman si Perez sa mga proyekto nga ihatag ni Billones sa banwa sang Pilar bangud para man ini sa mga pumuluyo sang Pilar.

Matandaan nga ginkwestiyon ni Billones ang wala pagtambong ni Perez sa mga ginapatawag sini nga pagsinapol.