Nagtingub sang pwersa ang Pilipinas kag Japan para sa mga pagatukuron nga high-ticket infra projects kag mga critical projects sa pungsod.
Kalakip sa mga ginpermahan nga kasugtanan sang duha ka pungsod amu ang budget support sa health kag climate initiatives sang gobyerno sang Pilipinas.
Ginpangunahan ni Finance Secretary Ralph Recto kaupod ang mga matag-as nga senior officials sang Japan ang pormal nga pagpirma sa kasugtanan.
Base sa ginkasugtan, magaangkon sang pondo ang Davao Bypass Construction Project nga may kabug-usan nga balor nga nagalab-ot sa P17.67 bilyon.
Tinutuyo sang proyekto nga pabakuron ang mobility sang mga Dabawenyo nga makabulig agud magsanyog ang ekonomiya sang Mindanao. Kalakip man sa mga pagapondohan nga proyekto amu ang Pasig Marikina River Channel Improvement Project Phase IV, Cavite Industrial Area Flood Risk Management Project and Climate Change Action Program, kag manging ang Build Universal Health Care Sub Program 2.
