Liwat nga maga-file sang diplomatic actions ang Pilipinas batok sa China may kaangtanan sa pinakaulihi nga pagpang-harass sa ila mga barko sa West Philippine Sea.
Suno sa National Maritime Council, makahalanusbo gid ining bag-o nga agresyon sang China batok sa mga barko sang Pilipinas.
Ang lihok sang pungsod amo nga mapasiguro ang kaluwasan kag epektibo nga pagpatigayon sang maritime operations sa rehiyon.
Una na ginreport nga gina-harass sang Chinese Coast Guard ang BRP Datu Sanday kag BRP Datu Pagbuaya sang Bureau of Fisheries and Aquatic Resources.
Kadungan ini sa pagpatigayon sang research sang nasambit nga mga barko sang Pilipinas sa Sandy Cay 2 sa Pag-asa Island.
Ginhatagan pagtamod sang National Maritime Council nga ang ini nga lihok sang CCG mahimo makabig nga seryoso nga pamahog sa soberanya sang Pilipinas kag paglapas sa internasyonal nga kasuguan.
Ginpasalig sang ahensya nga tumanon sang Pilipinas ang ano man nga peaceful agreement samtang padayon nga gina-assert ang kinamatarong sang pungsod sa rehiyon.
