Nabawi sang Pilipinas ang rangking bilang ikaduha nga pinakadaku nga exporter sang saging sa kalibutan.
Ang Department of Agriculture (DA) magapasangkad sang export portfolio para sa high-value crops (HVC).
Sa idalum sang 2025 High Value Crops Development Program, ang Department of Agriculture nagpanagtag sang 106,000 ka mga materyales sa pagtanom sa mga lokal nga mangunguma agud labi nga mapukaw ang produksyon sang saging kag iban pa nga mga produkto pang-agrikultura agud masabat ang demand sa international market.
Suno kay Agriculture Secretary Francisco Tiu Laurel Jr., base sa pinakaulihi nga report sang Food and Agriculture Organization (FAO) sang United Nations, kumpirmado nga positibo ang resulta sang ginatuyo nga interbensyon sang gobyerno.
Nahibaluan nga ang Pilipinas ang nagapangaduha sa Ecuador sa pag-export sang saging kag nagapabilin nga nagapanguna nga supplier sang saging sa Asya, pagkatapos nga nagtaas sang 25.6 percent ang export volume pakadto sa 2.93 million metric tons (MMT) sa katapusan sang 2025.
