Sa isa ka gamay nga banwa sa Ano Vouves sa Creta, Greece, makit-an ang ang isa ka ancient natural wonder, nga ginakabig nga pinakatigulang nga olive tree sa kalibutan.
Ginabulubanta nga kapin sa 3,000 ka tuig ang edad sini, nga nagakahulugan nga mas daan ini sangsa Parthenon kag Alexander the Great. Sa pihak sang linibo ka tuig, nagapabilin ini nga mabakod kag padayon nga nagapamunga sang mga olives kada tuig.
Ang eksakto nga edad sini isa ka daku nga palamangkutanon sa mga sientipiko bangod wala na ini sang heartwood ukon sentro sang kahoy.
Nadunot ini sang nagligad nga mga siglo bilang kabahin sang natural self-renewal process, sa diin ang sulod nagakapatay samtang ang isa ka bag-o nga layer sang kahoy padayon nga nagaporma sa gwa.
Ang higante nga kahoy, nga may circumference nga 12.5 meters, isa na karon ka protektado nga monumento nga nagaganyat sang 20,000 ka mga turista kada tuig.
