-- ADVERTISEMENT --
Napaslawan ang Pinay tennis star nga si Alex Eala nga magdaug sa WTA 250 Eastbourne Open championship matapos nga nalutos ini sang Australian tennis player nga si Maya Joint sa score nga 6-4, 1-6, 7-6 (10).
Naghimo sang maragtas ang 20-anyos nga Pinay sa amo nga kompetisyon bangud nangin pinakauna nga Pinay nga nakalab-ot sa Finals sang prestihiyoso nga tennis tournament.
Ini ang una nga Finals appearance ni Eala sa WTA Tour kag indi niya mapunggan nga maghibi pagkatapos sang hampang.
Bisan pa sa pagkalutos, si Eala magapadayon sa paghampang samtang nagahanda siya sa pagbukas sang iya kampanya sa Wimbledon batok sa nagadepensa nga kampeon nga si Barbora Krejcikova.
