-- ADVERTISEMENT --
ROXAS CITY – Nangin matawhay ang pagsaulog sang Barangay Baybay sining syudad sang ila pagselebrar sang kapiyestahan sang San Juan.
Mataan nga kahapon nga adlaw, Hunyo 24 ang selebresayon sang piyesta ni San Juan Bautista kun sa diin gintambongan ini sang kadam-an nga mga tawo nga gikan pa sa nagkalain-lain nga banwa sa probinsya sang Capiz.
Nagpatigayon man sang nagkasari-sari nga mga hinampang ang Barangay Baybay kag madamo man ang nagpaligo kun sa diin masuwerte nga wala may nabalhag nga mga aksidente sa bulig man sang mga Brgy. Officials, katapo sang Roxas City PNP, BFP, RCERT kag Philippine Coastguard nga nagserbisyo sa pagbantay.
