Naga-amat-amat na klaro ang pagkakilala sang persons of interest sa pagpatay sa mag-asawa nga online seller sa Mexico, Pampanga.
Suno kay Philippine National Police (PNP) Public Information Office Chief, PBGEN. Jean Fajardo, manami na ang nangin dalagan sang imbestigasyon para mahibaluan ang rason sa pagpamangga sa mag-asawa.
Isa ka witness suno ang nagpalapit sa pulisya, para maghatag sang impormasyon sa back rider nga nagpalupok sang pusil sa salakyan sang 2 ka biktima.
Suno kay Fajardo, ang witness ang may anay transaksyon sa back rider rason nga sa karon hawid na suno nila ang pangalan sini kag ginabiripeka na lamang.
Samtang, may reward naman nga P100,000 nagikan sa lokal nga gobyerno sang Mabalacat, Pampanga sa sin-o man makahambal sang impormasyon nga magresulta sa pagkaaresto sang mga suspek.
Ginatan-aw sa gihapon sa karon sang pulisya ang duha ka anggulo sa kaso nga posible bangud sa sa negosyo ukon personal nga problema sang mag-asawa ukon sang mastermind sa krimen.
