Ginbawi sang PNP Cuartero ang una nga pahayag nga may yara sang nagakatabo nga recruitment activity sang CPP/NPA sa mga estudyante sang Putian National High School.
Sa interview sang Bombo Radyo Roxas kay Punong Barangay Nemisio Fuyonan nga nagpadulong sa ila barangay ang hepe sang Cuartero Municipal Police Station kag ginapaabot ang mensahe nga nagikan sa Police Regional Office 6 sa pagbawi sang amu nga alegasyon,
Suno pa kay Fuyonan nga wala man makahibalo ang mga pulis kun sa diin sila nagkuha sang datos sa ila nga report kag ginpanginwala nga sa ila nag halin ang amu nga impormasyon.
Pahayag pa sini nga sang tuig 2019 pa na nadula sa listahan sang militar kag kapulisan ang ila barangay nga wala sa presensya sang rebelde.
Aminado ini nga sang tuig 90s may mga pamatan-on nga nagsulod sa hublag apang bangud sa kabudlay sang pangabuhi sa bukid sila ang nagpanaog kag nagbalik sa pag eskwela.
Dugang pa ni Fuyonan nga aminado sila nga mga opisyal kag pumuluyo sa paglain sang buot matapos mahibaluan ang sala nga report.
Apisar nabawi na ang amu nga pahayag nasamad na ang pangalan sang ila barangay kag may mga nabaton na mga mga negatibo nga komento.
