Magadeploy na ang Philippine National Police (PNP) sang kapin 18,000 ka mga personnel agud masecure ang transportation hubs kag mga patyo para sa Undas.
Suno kay PNP spokesperson Brigadier General Jean Fajardo, may yara sang isa ka “security template” para sa mga events lakip na ang Undas kun sa diin ginalauman nga magadagsa ang mga pumuluyo kag magtipon sa mga patyo.
Suno kay Fajardo, ginhatagan ang mga police regional directors sang otoridad nga i-adjust ang ila alert level kun kinahanglanon agud mamintinar ang seguridad sa ila tagsa-tagsa ka mga areas.
Suno sa iya, kapin 18,802 ang ila igadeploy kag nalakip sa mga igadeploy ang mga ibutang sa mga police assistance desk sa mga memorial parks kag mga patyo kasubong man sa mga transport terminals agud masiguro nga magiyahan ang mga pumuluyo nga ginalauman nga magabyahe.
