Aprubado na ni Philippine National Police (PNP) Chief PolGen. Rommel Francisco Marbil ang implementasyon sang gun ban sa Metro Manila bilang parte sang security measures sa lima ka adlaw nga Asia-Pacific Ministerial Conference on Disaster Risk Reduction nga pagahiwaton sa Philippine International Convention Center (PICC) sa Pasay City.
Ang implementasyon sang gun ban ang kadungan man sang pag-apruba sang suspensyon sang permit to carry firearms outside residence nga magasugod subong nga adlaw Oktubre 14 tubtob Oktubre 18.
Suno sa ginpaguwa nga memorandum sang PNP, ang pagsuspinder sang PTCFOR agud para masiguro ang seguridad sang mangin event kag malikawan ang mga fire-arm related incidents sa lugar.
Nakasaad man sa memorandum nga ini ang parte sang isa ka comprehensive strategy para sa mas madasig kag mas manami nga lakat sang conference.
Ginalauman naman nga yara sa masobra 4,000 nga delegado nagikan sa 69 nga mga pungsod ang magatyambong sa nasambit nga event.
Una na diri, ginkanselar na ang mga klase sa eskwelahan kag opisina sa gobyerno sa Maynila kag Pasay.
