Isa ka politioko ang ang nakahimo sang makahuluya nga desisyon ang gin-paanod sa suba sang Trento, Italy.
Ini ang nangin viral sa social media kun sa diin isa ka pinasahi nga tradisyon ang ginahimo sa pungsod, nga ginatawag satirical ritual batuk sa mga lider ukon personalidad nga nagahimo sang makahuluya nga desisyon.
Nahibaluan man nga kabahin sang Feste Vigiliane ang nasambit nga tradisyon, sa diin ginapasundayag ang ginatawag nga”Court of Penance”.
Sa sini nga ritwal, ang isa ka “Court of Penance”, ang ginapili, sa diin ang mga politiko nga nakahimo sang pinakakontrobersyal ukon sayop nga mga desisyon sa sulod sang tuig masami nga ginakilala.
Kon mapilian, ang personalidad ginabutang sa isa ka hawla kag ginalumsan sang tatlo ka beses sa Adige River.
Apang, indi ini isa ka makahalalit nga silot, kundi isa ka paagi nga himuon ka kaladlawan kag pakamalauton sa publiko.
Suno sa mga report, ang tradisyon nagsugod sang ika-14 tubtob ika-17 nga siglo kag ginhimo sa pagpabutyag sang balatyagon sang mga tawo batok sa mga lider nga napaslawan sa ila mga katungdanan.
Sa Pilipinas, madamo nga mga netizens ang nakarelate sa tradisyon, nga ang iban nagasiling nga ini nga pamaagi mahimo man nga epektibo bilang isa ka simbolo nga paghatag sang silot sa mga opisyal nga naliptan na ang ila pagserbisyo.
Apang, nagapabilin ini nga kultura nga selebrasyon sa Italy nga nagahugpong sang kasaysayan, palataw-an, kag pampubliko nga pamatuod sa malikhaon nga paagi.
