Nagpatuman ang Philippine government, pinaagi sa Department of Agriculture (DA), sang temporary nga pag-ban sa pag-import sang domestic kag wild birds, subong man ang poultry products nga nagikan sa Austria kag Japan bangud sa outbreaks sang Highly Pathogenic Avian Influenza (HPAI).
Sa isa ka statement sang DA nga ginpaguha ni Agriculture Secretary Francisco Tiu Laurel Jr. ang magkatuhay nga memorandum orders —MO No. 49 (Austria) kag MO No. 48 (Japan)— para sa pagpatuman sang import ban.
Suno sa DA, tinutuyo sini agud maprotektahan ang local poultry industry nagikan sa animal health threats.
Ini man ang kadungan sa pahayag sang Japan’s Ministry of Agriculture, Forestry and Fisheries nga outbreak sang H5 subtype nga bird flu sa Atsuma, Hokkaido, sa World Organization for Animal Health (WOAH) sadtong Nobyembre 5, 2024.
Ang outbreak, nga natabo sadtong October 16, 2024, ang nakaapekto sa domestic birds.
Ginadumilian man sang ahensya ang importasyon sang mga pispis kag poultry nagikan sa Austria matapos ginsiling ni Dr. Ulrich Herzog, ang vice president sang Regional Commission of Austria, sa WOAH ang outbreak sang H5N1 bird flu subtype sa Mattighofen, Braunau am Inn, Oberosterreich.
Ang outbreak, nga ginkumpirmar sadtong October 7, 2024 sang Austrian Agency for Health and Food Safety, ang nakaapekto man sa domestic birds.
Pahayag ni Tiu Laurel nga ang memorandum orders, ginpaguha agud protektahan ang local poultry industry nagikan sa potential animal kag public health risks.
Bilang kabahin sang import ban, ang Bureau of Animal Industry (BAI) ginmanduan nga mag-untat sa pag-isyu sang sanitary kag phytosanitary import clearances para sa domestic kag wild birds, poultry meat, day-old chicks, eggs, kag semen para sa artificial insemination sang mga munga nga manok.
