ROXAS CITY – Preparado na ang 50 ka mga eskwelahan nga paga-gamiton sa pala-abuton nga Mayo 9 sa syudad sang Roxas.
Sa interview sang Bombo Radyo kay Dr. Feliciano Buenafe Jr., Department of Education (DepEd) City Division Superintendent, ginpahayag sini nga equipped na sa mga kinahanglanon kun ano ang paga-ubrahon sa eleksyon ang mga manunudlo.
Suno diri, temporaryo nga untaton ang face-to-face classes sumugod Mayo 2-13, 2022 agud mahatagan sang ligwa ang preparasyon sa eleksyon kun sa din madamo nga mga manunudlo nga ekperensyado ang magaserbisyo sa palaabuton nga piniliay.
Dugang pa sini nga yara na sa 95% ang ila kahandaan, kag gamay na lang gid ang talapuson.Wala naman sang napagkit nga isyu ukon problema samtang ginpatigayon ang preparasyon sa mga bulothuan.
