ROXAS CITY – Yara na sa 100 porsyento nga preparado ang mga katapo sang Roxas City PNP sa siyudad sang Roxas para sa nagahilapit nga May 13 midterm election.
Ini ang ginpahayag ni Police Master Sergeant Ramil Arcangeles, tagpamaba sang Roxas City PNP sang mainterview sang Bombo Radyo.
Suno kay Arcangeles may yara sang duha ka mga organic personnel gikan sa ila talatapan nga iga-deploy sa tagsa ka mga polling precints sa siyudad.
Dugang pa sini nga may yara man sang mga miyembro sang government organization nga magabulig kag magasuporta sa PNP sa adlaw sang eleksyon.
Samtang nagpanugyan man ini sa publiko nga likawan ang pagbakal ukon pagbaligya sang boto, pagpadulong sa mga polling precincts nga hubog kag pagdala sang mga matalom nga hinganiban.
Ini agud mangin matalunsay kag malinong ang patigayunon nga piniliay.
