Ginmandu ni President Ferdinand “Bongbong” Marcos Jr. ang gilayon nga pagpanagtag sang P5,000 fuel subsidy para sa mga drayber sang pampubliko nga transportasyon nga apektado sang pagtaas sang presyo sang gatong bangud sa tensyon sa Middle East.
Suno kay Executive Secretary Ralph Recto, maga-umpisa ang distribusyon sa masunod nga semana kag magapatigayon sang koordinasyon sa mga lokal nga gobyerno agud masigurado nga makalab-ot ang bulig sa tagsa ka tricycle kag jeepney driver.
Ginsiling naman ni Transportation Secretary Giovanni Lopez nga pagaunahon ang mga tricycle driver sa NCR, kasunod ang jeepney operators, kag buligan man ang mga TNVS kag iban pa nga transport groups. Kadungan sini, ginsigurado ni DSWD Secretary Rex Gatchalian nga ang rollout ang pagaumpisahan sa Metro Manila antes nga palaparon sa iban nga rehiyon.
Ginmuno man sang Metro Manila Council ang kahandaan sa listahan sang mga drayber agud gilayon nga mapadala ang bulig. Suno kay MMC President kag San Juan City Mayor Francis Zamora, ang programa ang para sa tanan nga sektor sang pampubliko nga transportasyon—halin sa tricycle, jeepney, TNVS, UV Express, tubtob sa bus drivers.
Ginalauman nga maga-umpisa ang una nga payout sa Martes sa Metro Manila, kag pagasundan sang iban pa nga mga rehiyon sa mga masunod nga adlaw.
