Gin-appoint ni President Ferdinand Marcos Jr si Charlito Martin Mendoza bilang Commissioner sang Bureau of Internal Revenue nga magabulos kay Romeo kay Romeo Lumagui Jr.
Suno kay Press Secretary Dave Gomez, ginkakas na ni President Marcos si Romeo Lumagui, Jr bilang Commissioner sang Bureau of Internal Revenue.
Ang pagbag-o sa nasambit nga posisyon ang nasaad sa appointment paper nga napetsahan Nobyembre 12, 2025, nga ginpirmahan ni Marcos.
Wala naman ginsambit ang rason kon ngaa gin-islan si Lumagui.
Nahibaluan nga nakatipon sang Agosto ang BIR sang 1.554 trilyon halin Enero tubtob Hunyo 2025, mas mataas sang 4.594 bilyon nga gintalana nga target para sa nasambit nga panahon.
Matandaan nga sang damlag lang, nagpasaka sang reklamo ang BIR sa Department of Justice (DOJ) batok sa mga anay engineer sang Department of Public Works and Highways (DPWH) nga sanday Henry Alcantara, Brice Hernandez, kag Jaypee Mendoza bangud sa ginaalegar tax evasion.
