President Marcos, magpadulong sa mga biktima sang linog sa Cebu

Magapadulong si Presidente Ferdinand Marcos Jr sa “ground zero” sa diin nag-igo ang magnitude 6.9 nga linog sa Cebu.

Suno kay Presidential Communications Office Chief Dave Gomez, pila na ka mga cabinet secretaries ang nagkadto na sa mga grabe nga apektado sang linog.

Dugang pa ni Gomez, tuman ang kasubo sang presidente kag nagpalab-ot sang simpatiya sa mga biktima.

Ginpasalig man sang presidente nga magabulig ang gobyerno nasyonal sa mga local government units nga apektado sang linog.

Gilayon man nga ginmanduan sang Presidente ang mga lideres sang frontline government agencies nga gilayon nga buligan ang mga apektado sang linog.