Magapapili liwat bilang alkalde sang President Roxas ang patapos na sa iya nga termino nga si Mayor Receliste Escolin.//
Sa interview sang Bombo Radyo kay Escolin, opisyal na ini nga nag-file sang iya nga certificate of candidacy subong nga adlaw kag ginbaton naman sang Commision on Elections (COMELEC).
Suno kay Escolin, wala niya natapos ang iya nga 3 consecutive term bangud nautod ini sang ini ang ginpapanaugan sang Ombudsman sang 90 days suspension bangud sa reklamo nga ‘Grave Abuse of Authority and Grave Misconduct’ nga ginpasaka ni Punong Barangay Alfonso Locsin Golero batuk sa iya.
Pahayag pa sini nga kun kwestyunon siya, may ara ini sang ginauyatan nga basehan nagikan sa Supreme Court nga mahimo siya nga magpadalagan liwat.
Ginpasiguro man ni Ecolin sa iya nga mga supporters nga wala sila sang dapat nga kabalak-an sa iya liwat nga pagpapili bilang Mayor sa nasambit nga banwa para sa 2025 Midterm elections.
