Wala pa nakapili si Presidente Ferdinand Marcos Jr., sang bag-o nga pinuno sang National Police nga magabulos kay PNP Chief Rommel Francisco Marbil nga ginpalawig lamang ang termino bangud sa eleksyon.
Suno sa Malacañang sa masunod nga mga inadlaw ila i-anunsyo kun may ginpili si Presidente Marcos.
Suno kay Palace Press Officer USec. Suno kay Claire Castro nga sa subong wala pa sang impormasyon angut sa kon sin-o ang posible itudlo ni Presidente Marcos bilang tal-us ni Marbil.
Lakip sa mga prominente nga pangalan bilang mabaskog nga kandidato amo ang 3-star Generals lakip na si LtGen. Jose Melencio Nartatez nga ginapahayag malapit kay Senador Imee Marcos kag CIDG chief MGen. Nicolas Torre III.
Nangin bantog ang pangalan ni Torre kasunod sang mga sensitibo nga operasyon nga iya ginpangunahan kaangay sang pagdakop kay Pastor Apollo Quiboloy kag kay anay Presidente Rodrigo Duterte.
Ginpahayag ni Castro nga maayo kag may integridad ang nasambit nga mga pangalan, apang mas maayo suno sa iya nga hulaton na lang ang anunsyo ni Presidente Marcos sa sini nga bagay.
