Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka Person Deprived of Liberty (PDL) matapos nakuhaan sang suspected shabu sa sulod sang Capiz Rehabilitation Center (CRC) sa Barangay Lawa-an, Roxas City.
Matandaan nga ginkilala ang arestado kay alyas Jeanus, 35-anyos, 9 na ka tuig nga priso kag residente sang Barangay Mahunod-hunod, Cuartero, Capiz.
Nahibaluan nga nakuha sa posesyon sa suspetsado ang 3 tanan ka sachets sang ginapatihan shabu nga ginabulubanta may kabug-aton nga (1) ka gramo kag may standard drug price nga nagabalor sang P600.
Nagpositibo naman sa drug test ang amu nga mga persona kag sa karun nagapabilin ini sa kustodiya sang kapulisan para sa nagkaigo nga disposisyon.
Samtang, nagapadayon naman ang imbestigasyon sang mga otoridad agud mahibaluan kun sa diin naghalin ang amo nga droga.
