Ginpasalig sang Bureau of Corrections nga wala sang pinasahi nga pagtratar sa mga mapamatud-an nga may kahilabtanan sa anomalous flood control projects.
Ginpakigbahin ni Director General Gregorio Catapang Jr nga indi ini matabo kag ginklaro nga indi mangin mas komportable sa prisuhan.
Suno sa iya, ang mga pagapamatbatan sa mga kaso may kaangtanan sa flood control corruption ang pagadal-on sa Sablayan Prison and Penal Farm sa Occidental Mindoro.
Partikular suno sa iya nga i-detain ang mga ini sa ‘supermax facility’ sang bureau kun sa diin hugot nga bantayan sang mga tinawo sini.
Sa masami, duha lang ka tawo ang yara sa sulod sang isa ka selda kag ginklaro nga ‘open-air’ ini kag wala sang ‘aircon’.
Pahayag pa niya, ang mga mapreso diri indi basta-basta makagwa sa ila mga selda.
Apang ginpasalig sini nga may yara sang oras nga igatalana sa aga kag hapon para makakuha sila sang sunlight.
Giin-athag man sang natungdan kun ngaman dal-on diri ang mga involve sa flood control bangud siraduhan ang New Bilibid Prison sa Muntinlupa City.
