Magataas naman ang presyo sang mga produktong petrolyo subong nga semana, suno sa mga ginpagwa nga abiso sang oil industry sources.
Ini na ang ikaduha nga asud-asod nga semana nga may pagtaas sang presyo, nga magapabudlay liwat sa mga motorista.
Gin-anunsyo sang oil industry nga mapasaka sila sang presyo sang gasolina sang P0.40 kada litro, diesel sang P1.10, kag kerosene sang P0.70.
Suno sa Department of Energy – Oil Industry Management Bureau (DOE-OIMB), gialauman na ang pagsaka sang presyo bangud sang padayon nga pagsanyog sang demand sa langis sa bug-os nga kalibutan, kag mga ispekulasyon nga ang mga taripa nga polisa ni US President Donald Trump magadul-ong sang kabudlayan sa ekonomiya kag enerhiya sa kalibutan.
Sang nagligad nga semana, nagsaka man ang presyo sang gasolina sang P0.70 kada litro, diesel sang P1.40, kag kerosene sang P0.80.
Tungod sini, ang kabug-usan nga net increase subong nga tuig tubtob Hulyo 15, 2025, naglab-ot na sa P9.00 kada litro para sa gasolina, P11.35 para sa diesel, kag P1.85 para sa kerosene.
