Presyo sang pila ka mga nagapanguna nga balaklon, lauman nga magataas

Mapilitan ang grupo sang mga negosyante sa pungsod nga magpataas sang presyo sang ila mga produkto bangud sa padayon nga pagtaas sang presyo sang produktong petrolyo.

Suno kay Steven Cua, executive director sang Philippine Amalgamated Supermarkets Association, madamo man sang mga negosyante ang nagahimakas bangud sa tuman ka mahal nga gasto sa transportasyon para sa ila mga produkto.

Pila sa mga rason nga ila makita para diri amo ang padayon nga paglupok sang inaway sa Middle East subong man ang pagluya sang Peso batuk sa dolyar.

Nakahanda sila nga makigsapol sa Department of Trade and Industry (DTI) angut sa ila plano nga pataason ang presyo sang ila produkto.