Roxas City – Ginatutukan sa karon sang Regional Director sang Police Regional Office (PRO-6) nga si Police Brigadier General Rene Pamuspusan ang tatlo ka mga mayor nga polisiya sang Philippine National Police (PNP).
Mahibaluan nga nagpadulong sa probinsya sang Capiz si Pamuspusan kag ginaidalum sa inspeksyon ang mga kapulisan kag mga police station sa probinsya.
Sa exclusive interview sang Bombo Radyo kay Pamuspusan gintumod sini ang ka-importansya sang mga polisiya kag programa sang PRO-6 kasubong sang internal cleansing sang mga PNP personnel nga nadalahig sa mga illegal nga aktibidad, pro-active kag smart policy sa mga police operations sa diin luyag lamang sang opisyal nga mahatag sang mga kapulisan ang ensakto kag maayo nga pagserbisyo sa komunidad.
Ginpahayag man sini nga handa dapat sa anuman nga oras ang mga pulis sa tion sang inspeksyon sa ila tagsa ka mga headquarters.
Kinahanglan suno kay Pamuspusan nga may yara sang disiplina sa kaugalingon kag nagasuksok sang kumpleto nga uniporme ang mga kapulisan sa oras sang ila nga duty.
Samtang, ang Tapaz Municipal Police Station lamang ang nakabaton sang napulo ka mga 5.56 MM rifle kag apat ka mga bullet proof vest gikan sa opisyal.
